СВО-ысь ожгарчиос тазалыксэс кыдатыны быгатозы

Кылсярысь, туннэ нуналэ регионысь дас вить тазалыкез юнматӥсь интыос ожгарчиосты но соослэсь семьяоссэс пумитаны дась. Соос пӧлы пыро «Ассы», «Зеленая роща», «Янган-Тау», «Карагай», «Красноусольск», «Танып», «Юматово», «Якты-Куль», «Березки», «Березка», «Энергетик», «Радуга»,   «Бодрость», «Здравница Зауралья», «Ай» санаторийёс но профилакторийёс.

Нимысьтыз военной операцие пыриськисьёс та выллем шутэтскон интыосын тазалыксэс дас ньыль нунал ӵоже юнматыны быгатозы. Нош  ожгарчи семьяеныз вуоно луиз ке, одӥг адямилы сизьым нунал висъяськоз. Кылем арын путёвкалэн дуныз 60200 манетлы ӵошаз.  2024-тӥ арын СВО-ын шаермес утисьёс ваньзэ ӧвӧлзэ 128 млн манет тыр тазалыксэс кыдатӥзы.

Та арын нимысьтыз военной операцие пыриськисьёслэсь но соослэн семьяоссылэсь санаторийёсы мынон сярысь 121 заявление вуэмын ини. Вуоно дыре вань мылкыд карисьёслы санаторийёсын но профилакторийёсын инты висъямын луоз.

Фото: ИА «Башинформ»