Бадӟым Качакысь команда нош ик вормисьёс пӧлын

Бадӟым Качакысь команда но Спартакиадае пыриськиз. Анатолий Апкаримов, Лидия Бадриева, Федор Вагапов, Лидия Морозова, Риф Нуриев, Флорида но Григорий Тимирбаевъёс, Туктафия Шайматова бызьылонын, баскетбол тупез сеткае пыртанын, ӝӧквыл теннисын, шашкиен но шахматэн шудонын, эстафетаын асьсэлэсь устолыксэс возьматӥзы. Кылсярысь, ӝӧквыл теннисэн шудонын Григорий Тимирбаев нырысетӥ интые потӥз, нош Лидия Морозова кыкетӥ интылы кузё луиз. Бызьылонын Риф Нуриев вормисьёс пӧлын луиз но куинетӥ интылы шумпотӥз. Нош Туктафия Шайматова баскетбол тупен умой вырыны быгатэмзэ ӟеч возьматӥз, татын со кыкетӥ интыен кузёяськиз. Спартакиадалэн йылпумъянъёсызъя, Бадӟым Качакысь  команда кыкетӥ интыен дораз берытскиз.