Башкирие грипп лыктэ

Роспотребнадзорлэн ивортэмезъя, висён нылпиосты но  уг жаля. Кылсярысь, вань висисьёслэн лыдзы пӧлысь 41,3 процентэз нылпиос луо. Нош та арняе ОРВИ-ен но гриппен курадӟисьёслэн лыдзы эшшо 31,7 процентлы йылӥз. «Пиналлэсь висьыны усемзэ шӧдӥд ке, школае но нылпи садэ лэзьыны кулэ ӧвӧл. Умой луоз соку ик эмчиез вазид ке», - верало ведомствоын. Со сяна, школаын яке классын нылпиослэн 20 процентэз висе ке, дышетон юртлэн кивалтэтэз пиналъёсты дистанционной амалэн дышетсконэ поттыны быгатэ. Озьы ик нылпиосты вазьгес каникулэ лэзьыны яке шутэтскон нуналъёсты кузятыны быгатозы.