Кышкыт вотэсэ ум шеде

Кылсярысь, Россия Федерациысь генпрокуратуралэн сайтаз пырыса иворъёсты эскерид ке, котькуд нунал ватсам иворъёс пӧлысь одно ик шедьтод наркотикен герӟаськем йыртэмасьёс сярысь гожтэмез. Сыӵе кышкытэсь иворъёсты тодыса улыса но, малы «кайф» сьӧры уиськисьёс уг быро меда? Наркотик вӧлмытӥсьёслэн «вотэсъёсазы» ялан кин ке но шеде. Та кышкытлыклэсь утиськон вылысь, трос ужрадъёс ортчо, вераськонъёс радъясько. Балтач ёросысь Асавка гуртысь модельной библиотека но гуртысь ФАП-ен ӵош «Знать, чтобы жить» ужрад дасязы. Отын наркотикъёслэн улонлы кышкытлык ваемзы сярысь вераськизы. Ужрадэ наркоманиен нюръяськонлы сӥзем буклетъёс но дасямын вал.

Фото: Асавская-Сельская-Модельная Библиотека