+26 °С
Салкым
Антитеррор
Вань иворъёс
Тазалык
1 Июля , 09:15

Татышлы ёросысь Арибашын выль ФАП усьтӥськиз

Татышлы ёросысь Арибашын улӥсьёс гужемлэн нырысетӥ толэзезлэн берпуметӥ нуналаз нош ик люкаськизы гуртсылэн шор люкетаз. Алигес гинэ, Вормон праздник азьын, татын усьтӥськизы выль нылпи площадка но Быдӟым Атыкай оже пыриськемъёслы сӥзем мемориал. Таиз люкаськон мугзы  - выль ФАП усьтон.

Татышлы ёросысь Арибашын выль ФАП усьтӥськиз
Татышлы ёросысь Арибашын выль ФАП усьтӥськиз

Выль зданиын ваньмыз татчы вазиськись калыклы каньыл мед луоз шуыса тупатэмын. Татын нырысетӥ эмъюрттэт возьматыны вань луонлыкъёс кылдытэмын: вань нимаз фельдшерлэн кабинетэз, учкон, прививка лэсьтон, процедурной кабинетъёс, дӥсь воштонтӥ, санузел, канализация, технической висъет, ву кыскытэмын. Арибашъёсын ужалоз егит фельдшер Инесса Шайхлисламова. 

Выль социальной юртэз усьтонэ пыриськизы Татышлы ёрос администрациен кивалтӥсь Фанур Шайхисламов, солэн социальной ужпумъёсъя воштӥсез Альфия Шайнурова, Кудаш гурт поселенилэн тӧроез Азат Габсалямов, Татышлы ёрос больницаын ужасьёс но мукетъёс. Татышлы МКДЦ-ысь автоклуб арибашъёслы шулдыр концерт возьматӥз. 

Туспуктэм: 

 

Автор:Анна Байдуллина
Читайте нас в