Башкириын вакцинация лэсьтӥсьёслэн лыдзы 10 поллы йылӥз

Висёнлы пумит вакцинация лэсьтон ӝоггес мед азинскоз шуыса, регионын пӧртэм куронъёс чакламын. «Азьло вакциналэсь нырысетӥ компонентсэ нуналаз 2000 адями басьтэ ке вылэм, али суткаяз 20 сюрслы матэ адями прививка пуктытэ», - вераз Р. Хабиров.

Татышлы ёросысь Вылысь Татышлыысь Расима Шарипова 38 арлэсь ятыр медсестра луыса ужаз. Со коронавируслы вакцинация лэсьтонлы пумит вылымтэ. «Ковидлы пумит прививкалэсь нырысетӥ компонентсэ 19-тӥ апрельын басьтӥ, кыкетӥзэ – 10-тӥ майын. Прививкаез секыт ӧй ортчыты», - вера Расима апай. Расима Шарипова 10-тӥ ноябрьын Вылысь Татышлыысь поликлиникае ревакцинация басьтыны но вуылэм ни.