Ошмес
-5 °С
Салкым
Антитеррор
Вань иворъёс
Тазалык
30 Куарусён , 14:25

«Висёнэз вормон сюрес одӥг – вакцинация»

Кыкетӥ арзэ ни коронавирусэн нюръяськон дуннеын улӥськом. Висисьёслэн лыдзы нунал йылэ. Висён адямиосты улонэн но люке. Башкортостанысь удмуртъёслэн национально-культурной центрзылэн Кенешезлэн ёзчиез Ханиф Баймиез кылем арын коронавирусэн висем.

«Висёнэз вормон сюрес одӥг – вакцинация»

Ханиф Муллаевич вера:

- Коронавирус милесьтым семьямес но палэнтӥ ӧз ортчы. 2020-тӥ арын шуркынмон толэзе мон висьыны кутски. Собере кузпалы Ямига Шарифулловна черлаз. Висён солэсь кужмогес луиз.

Та дыре мон прививка ӧй пуктыты на, малы ке шуоно антителаос тырмыт. Соослэн лыдзы кулэсмиз ке, одно ик ковидлы пумит вакцина лэсьто. Та висёнэз вормон сюрес одӥг – вакцинация. Ковидэз ӵошен гинэ вормыны луэ. Котькуд адями висёнлы пумит прививка пуктӥз ке, вирусэз вормыны луоз.

Мон малпасько, прививка лэсьтыны пумит луись адямиос, ӟуч сямен вераса, со – потенциальные убийцы. Соос висёнэз вӧлмыто, мукетъёс сярысь, мукетъёслэн тазалыксы, улонзы сярысь уг малпало.

Соин ваньзэс курисько коронавируслы пумит вакцина лэсьтыны.

 

Автор:Миляуша Булатова