Капчи атлетикая ӵошатскон ортчиз

Спорт ужрадэ 120-лы матэ спортсменъёс пыриськизы. Куеда округысь Бадӟым Гондырысь нылпиос но бызьылыны потӥзы. Соос усто лыдпусъёс возьматӥзы.

Вить иськеме бызьыса, Никита Галиахматов 1-тӥ интые потӥз. Куинь иськем дистанциын Михаил Салоков 3-тӥ интыын луиз, Ролан Галинуров – 4-тӥ интыын, Ильнар Миннигалиев – 5-тӥ интыын. Григорий Петрофанов – 4-тӥ интыын, Егор Шарибзянов - 5-тӥ интыын, Тимур Ганиев – 6-тӥ интыын. Нылъёс пӧлын Камилла Миннигалиева финише 2-тӥ вуиз, Злата Галинурова – 3-тӥ. Со сяна, асьсэлэн аресъёссы пӧлын куать кужмоосыз луизы Масальских Абдукарим, Нуртдинов Азамат, Корепанов Даниил но Армяншин Матвей.

Нылпиосты спорт ужрадэ дасяз дышетӥсьсы Александр Нигамедзянов. Со но ӵошатскиз, финише нырысетӥен пыриз.

Фото: ШКОЛЬНЫЙ СПОРТИВНЫЙ КЛУБ "МЕДВЕДЬ"