Куасчиос кроссэ пыриськизы

Нылъёс но пиос пӧртэм ӵошатсконъёсы вуыло, вормонъёс басьто. Спортсменъёс лымытэм дыръя но спортлэсь уг палэнско, кроссъёсын кужымзэс эскеро. Алигес соос «Клуб Спарта» АНО-лэн кылдэмез дырысен 13 ар тырмонлы сӥзем спорт ӵошатсконэ пыриськизы. Отчы 140-лы матэ бызьылӥсь вуиз.

- Пиналъёсмы зол кужымзэс возьматӥзы,2009-2010-тӥ аръёсы вордскемъёс пӧлын, вить иськеме бызьыса, Никита Галиахматов вормисе потӥз, Семён Шарибзянов кыкетӥ интыын луиз. 2011-2012-тӥ аръёсы вордскемъёс куинь иськеме бызизы. Отын Камилла Миннигалиева 1-тӥ интые потӥз. 2015-2016-тӥ аръёсы вордскемъёс пӧлын одӥг иськемын бронза басьтӥз Злата Галинурова, нош 2017-тӥ но со бере вордскемъёс пӧлын кыкетӥ интылы шумпотӥз Арина Менгаязова, - гожтэ вотэс бамаз дышетӥсьсы Александр Нигамедзянов. – Спортсменъёслы зоро куазь но ӧз люкеты дистанциез ортчыны, вормонъёс басьтыны. Бадӟым тау анай-атайёслы кроссэ мыныны транспортэн юрттэмзы понна.

Фото: соцсети Александр Нигамедзянов