Ӵошатсконын вормисьёс пӧлын луизы

Отын Пермь шаер понна ӵошатскизы Куедаысь Светлана но Владимир Шагиевъёс Ярослав пиенызы. Ужрад улсын «Семейная эстафета» ӵошатскон луиз. Отын Россилэн пӧртэм субъектъёсысьтыз 73 команда нюръяськиз. Эстафетаын Шагиевъёс 3-тӥ интылы кузё луизы.

- Шагиевъёслэн вормонзы быдэс Пермь шаерез данъя, спортэн но тазалыко улонэн эшъяськон мылкыд кылдытэ, - гожтэ вотэс бамаз Куеда округ администрациен кивалтӥсь Флорид Бадртдинов. – Командалэн наставникез луиз калыккуспо классысь спортъя мастер Евгения Субботина. Ӟечкыласько спортсменъёсты, выль вормонъёс сӥзисько.

Фото: соцсети Флорид Бадртдинов