Бадӟым Гондырысь «Медведь» - кыкетӥ интыын

Школаын дышетскисьёс пӧртэм ӵошатсконъёсы пырисько, вормонъёс басьто. Со сярысь Куедаын ортчем дышетӥсьёслэн кенешоназы но веразы. Муниципал спартакиадаын «Медведь» клуб кыкетӥ интыын луиз. «Нырысетӥ интылэсь кык очколы гинэ кылиськеммы», - верало Бадӟым Гондыр школаысь дышетӥсьёс.

Вераны кулэ, ГИА сётонын но, школаын дышетскисьёслэн быдэсросси олимпиадаязы но Бадӟым Гондыр школа ӟеч дасьлыксэ возьматӥз – округысь кык устоосыз пӧлы пыриз. Школаез Куеда округ администрацилэн таукаронэныз пусйизы.  

Фото: Управление образования Куединского МО