Спортэн эшъясько – тазалыко улонэз быръё

Ужрадэ ёрос администрациен кивалтӥсь Салават Гильмиев, солэн воштӥсез Гаухар Миндиярова, Кун Собранилэн-Курултайлэн депутатэз Ильшат Музафаров, нимысьтыз военной операцие пыриськисьёс, спортъя но егитъёслэн политиказыя ёзэтэн кивалтӥсь Альбина Саляхова пыриськизы. Соос спорт ӧрын быдэстэм ужъёс, утэм вормонъёс сярысь веразы, спортсменъёсты праздникен ӟечкылазы, пӧртэм ӵошатсконъёсын вормисьёсты данъетъёсын пусйизы. Ужрадын ёросын ортчем спартакиадаослы, конкурсъёслы йылпумъянъёс лэсьтӥзы. Кылсярысь, дышетскон юртъёс пӧлын радъяськем спорт ӵошатсконъёсын вормисьёс радын луиз Шудекысь школа, гурт поселениос пӧлын – Вуж Вараш гурт поселение, нош «Спортивные ингры Янаульского района» ӵошатсконын Четырманысь 113-тӥ номеро пожарной часть куинетӥ интыен пусъемын.

Фото: МАУ ДО СШ "Юность" г.Янаул