Краснокама ёросысь Николо-Берёзовкаын спорт праздник ортчиз

Ӵошатсконэз Краснокама ёрос администрация но спортсменъёслэн «Железный варяг» огазеяськонзы радъязы. Нылпиос понна 300, 500 но 800 метръем дистанциос чакламын вал. Бадӟымъёс кык, ньыль но дас иськеме бызизы. Дас иськеме бызьыса, вормисе потӥзы Нефтекамскысь Валерий Гарейшин но Пермь шаерысь Куеда округысь Киргаысь Валерий Габтиев. Янаул ёросысь Шудекысь Александр Зайдуллин (туспуктэм вылын бурысез) кужымзэ ньыль иськемын эскериз, финише со кыкетӥ вуиз. «Ӵошатскон туж кельшиз, купеческой гуртлэн урамъёстӥз ортчон спортсменъёслы кужым ватсаз кадь. Ӵошатскон ВМФ-лэн нуналаз тупаз бере, «Забег в тельняшках» но луиз», – вера А. Зайдуллин.

Фото: соцсети Александр Зайдуллин