Ӵошатсконысь вормонэн бертӥзы

Ӵошатскон Россиысь Геройлэсь И.В. Серафимовлэсь нимзэ нуллӥсь «Патриот» военно-патриотической парклэн «Авангард» базаяз радъяськиз. Отчы республикалэн пӧртэм ёросъёсысьтыз 24 команда пыриськиз. Янаул ёрос понна ӵошатскизы Ахмадиевъёс.

Военно-патриотической шудонлэн нырысетӥ этапез ёросъёсын ортчиз. Отын школаын дышетскисьёс семьяенызы ӵошатскизы. Янаул ёросысн вормисе потӥз И. Ш. Муксинов нимо гимназилэн командаез – Ахмадиевъёс. Та семья республика этапын но зол кужымзэ, усто быгатонлыксэ возьматӥз – ӵошатсконысь вормонэн бертӥз. Командаез ӵошатсконэ дасяз Ревил Киндяжев. 

Командаын луизы анайзы, атайзы, пичиез нылзы но гимназиысь Радмир Садрисламов. Табере соос «Семейная зарница» военно-патриотической шудонлэн йылпумъясь этапаз пыриськозы. Со куарусён толэзе Волгоград улосвылын ортчоз. Отчы 89 команда пыриськоз.

Фото: Управление образования Янаульского района