+4 °С
Салкым
Вань иворъёс
Спорт
6 апрель , 15:55
Ӝӧквыл теннисэн шудӥзы нылъёс но пиос
Куинетӥ-ньылетӥ оштолэзе Татышлы ёросысь Выль Татышлыын ӝӧквыл теннисъя ӵошатсконъёс ортчизы. Башкортостанысь удмуртъёслэн национально-культурной центрзылэн Кенешезлэн ёзчиезлэн Р. Г. Рахимовлэн Кубокез понна спорт ужрадэ нылпиос но бадӟымъёс пыриськизы. Соос Башкортостанысь удмуртъёслэн лулчеберетъя центразы шудӥзы.
Ӝӧквыл теннисэн шудӥзы нылъёс но пиос
Нырысетӥ нуналэ отын пиналъёс кужымзэс мертазы. Соос, арессэс лыдэ басьтыса, куинь группаын шудӥзы: 2014-2019-тӥ аръёсы, 2011-2013-тӥ аръёсы, 2008-2010-тӥ аръёсы вордскемъёс. Котькудаз группаын вормисьёсты но призёръёсты бырйизы.Нырысетӥ группаын пиос пӧлын ваньзылэсь усто шудон возьматӥз Выль Татышлыысь полилингвальной школаысь Павел Хасанянов. Нылъёс пӧлын висъяськиз Вылысь Татышлыысь Г. Сокорой нимо гимназиысь Элина Сафина.
Кыкетӥ группаын вормисе потӥзы Вылысь Татышлыысь М. Б. Бадретдинов нимо лицейысь Аскольд Миллиятов но Бадряш школаысь Наиля Мухаметшина. Куинетӥ группаын кужмо луизы Арибаш школаысь Данила Коновалов но Выль Татышлыысь полилингвальной школаысь Яна Хасанянова.
(Быдэсак лыдӟе газетлэн вуоно номерысьтыз).
Фото: Детско-юношеская спортивная школа с.В.Татышлы
Новости партнеров