Газетмылэн кубокез понна волейболъя ӵошатскон мынэ

Туннэ командаос Пермь шаерысь Куеда округысь Бадӟым Гондырын пумиськизы. Спорт ужрадэ нылъёслэн ньыль командазы вуиз: Калтасы ёросысь Бадӟым Качакысь, Татышлы ёросысь Выль Татышлыысь, Куеда округысь Бадӟым Гондырысь но Кипчакысь. Нош пиослэн - куинь: Выль Таышлыысь, Бадӟым Качакысь но Кипчакысь.
Спорт ужрадэз усьтыса вераськизы "Ошмес" газетлэн валтӥсь редакторез Ольга Нигаматуллина но Пермь шаерысь удмурт огазеяськонэн кивалтӥсь Алина Туктагулова. Соос командаослы ӵошатсконэ лыктэмзы понна тау каризы, чебер но кужмо шудон возьматыны куризы, вормон сӥзизы.