0 °С
Лымы
Вань иворъёс
Спорт
16 февраль , 16:10
Куас сюрес вылэ потӥзы бадӟымъёс но пичиос
Янаул ёросын ортчем «Лыжня России» спорт ужрад трос куасчиосты огазеяз. Отчы 400-лэсь трос адями пыриськиз: школаын дышетскисьёс, студентъёс, предприятиосын ужасьёс, гур поселениосысь куасэн эшъяськисьёс, зэмос спортсменъёс. Ӵошатсконэ быдэс семьяенызы лыктэмъёс но ӧжыт ӧй вал. Куасчиослы одӥг иськем сюресэз ортчоно луиз. Мылкыд карисьёс та нуналэ ГТО-лэсь нормативъёссэ но сётыны быгатӥзы.
Куас сюрес вылэ потӥзы бадӟымъёс но пичиос
Пиосмуртъёс пӧлын вормисе потӥз Денис Сакриев (Сандугач гурт поселение). Кыкетӥ интыын луиз лья Чужеков (шудек гурт поселение), куинетӥ интые – Андрей Бадретдинов («Водоканал»). Нылкышноос пӧлын Айгуль Сакриевалы вуисьёс ӧз луэ (Сандугач гурт поселение). Олеся Чужекова (ёросысь библиотека) кыкетӥ интылы кузё луиз, куинетӥ интылы – Алсу Гареева (ёросысь эмъюрт).
Вормисьёсты грамотаосын но кузьымъёсын пусйизы. Со сяна, пусйизы тужгес арлыдозэ но тужгес пичизэ куасчиосты. Ӵошатсконын сандугачъёс но висъяськизы: Сандугач гурт поселениысь (кивалтӥсез Т. Ш. Куснияров) кызьлэсь трос адями та нуналэ куас сюрес вылэ потӥз.
Фото: МАУ ДО СШ "Юность" г.Янаул
Новости партнеров