Куас сюрес вылэ трос калык потӥз

"Трезвое село" республика конкурсэ пыриськись удмурт гуртын - Бальзюгаын - улӥсьёс но та ужрадэз шумпотыса витизы: пичиез но, бадӟымез но, куасъёссэс кутчаса, трассае дыртӥзы.
Куас праздник улсын школаын дышетскисьёс, организациос но предприятиос, гурт поселениос пӧлын куасэн ӵошатскон ортчиз. Гурт поселениос пӧлын вормисе потӥз Выль Татышлы гурт поселенилэн командаез. Кыкетӥ но куинетӥ интыосын луизы Улысь Балтачысь но Вылысь Татышлыысь командаос. Предприятиос но организациос пӧлын дышетонъя ёзэтлэн командаез ваньзылэсь кужмо луиз. Кыкетӥ инты понна шумпот5зы культурая ёзэтысь куасчиос. Куинетӥ интыын луиз ёрос администрацилэн командаез.
Спорт ужрад зэмос праздниклы пӧрмиз. Тазалыко улонэн эшъяськисьёслы асьсэлэн задор кырӟанъёссы пыр капчи мылкыд кузьмазы крезьгурен эшъяськисьёс.