Кубокез кужмоез басьтӥз

Арлы быдэ Выль ар каникул нуналъёсы радъяськись спорт ужрадэ Башкортостан Республикаысь Калтасы, Татышлы, Янаул ёросъёсысь но Пермь шаерысь Куеда ёросысь  нылъёслэн но пиослэн командаоссы люкаськизы. Ӟырдыт шудонъёс Вуж Вараш но Ямады школаослэн спортзалъёсазы ортчизы.

Та нуналэ нылкышноослэн вить но пиосмуртъёслэн куать командаоссы чебер шудон возьматӥзы. Командаос понна «висисьёс» но ужрадысь жадьыса кошкизы. Угось соослы но трос пӧсяно луиз: татын котькуд туп понна ӟырдыт ӵошатскон мынӥз.

Ямады спортзалын нылкышноос шудӥзы. Отын шыпыт но капчи ке вал, Вуж Вараш школаысь спортзал бер ӝытозь ӧз чалмытскы. Татын зэмос вожвылъяськон мынӥз. Командаос вань кужмысь кубок понна тыршизы. Нош шудбур Калтасы ёросысь Бадӟым Качак гуртысь командалы пальпотӥз. Нылкышноос пӧлын Бадӟым Гондырысь команда вормисе потӥз.

БР-ысь удмуртъёслэн НКЦ-зылэн кубокез понна волейболъя ӵошатскон сярысь тросгес лыдӟыны быгатоды газетмылэн вуоно номерысьтыз.

Фото: Алексей Самирзянов