Россиысь Геройлы сӥзем волейболъя турнир ортчиз

Спорт ужрадэ Андреевкаысь, Будья Варашысь, Вуж Варашысь, Нанядыысь пиосмуртъёслэн командаоссы пыриськизы. Со сяна, волейболъя турнирын Вуж Вараш гурт поселениысь егитъёслэн но школаын дышетскисьёслэн командаоссы кужымзэс мертазы.

Шудонзы ӟырдыт но яркыт пӧрмиз. Командаос волейбол туплы музэ усьыны ӧз сётэ. Татын котькуд очко понна кужмо вожвылъяськон мынӥз.

Нош котькуд ӵошатсконын аслаз вормисьёсыз луэ. Россиысь Геройлы Игорь Насибуллинлы сӥзем волейболъя турнирын Нанядыысь команда нырысетӥ интые потӥз. Ӧжытлы бере кыльыса, Вуж Варашысь пиосмуртъёслэн командазы кыкетӥ интылы кузё луиз. Куинетӥ интылы Будья Варашысь спортсменъёс шумпотӥзы.

Ужрадэ пыриськисьёсты синпель кузьымъёсын пусйыны Игорь Насибуллинлэн анай-атаез но СПК «Колхоз Восток» коньдонэн юрттӥз.

Фото: Эльза Минликузина