Янаулын баскетболъя ӵошатскон ортчиз

Гуртъёсысь но городысь школаос пӧлын вормисьёсты нимаз бырйизы. Гуртъёсысь вуэм командаос пӧлын кужмо луизы Ямадыысь нылъёс но пиос – кыкез ик команда 1-тӥ интые потӥз. Соослэсь ӧжытлы гинэ бере кылизы шудекъёс – нылъёс но, пиос но ӵошатсконысь 2-тӥ интыен бертӥзы. Нылъёс пӧлын 3-тӥ интыын луиз Орловка школалэн командаез, пиос пӧлын – Выль Артаул школалэн.

Городысь школаос пӧлын 1-тӥ интыын луизы 1-тӥ школаысь нылъёс, 2-тӥ интыыын – И. Ш. Муксинов нимо гимназия, 3-тӥ интыын – Рё Гареев нимо школа.

Пиос пӧлын вормисе потӥз 4-тӥ номеро школалэн командаез, 2-тӥ интыын - И. Ш. Муксинов нимо гимназия, 3-тӥ интыын – Р. Гареев нимо школа.

Фото: