+28 °С
Салкым
Спорт
2 ноябрь 2025, 10:26
Ӝӧквыл теннисэн эшъяськисьёс спортзалэ люкаськизы
Туннэ, кыкетӥ шуркынмонэ, Калтасы ёросысь Бадӟым Качакысь школалэн спортзалаз ӝӧквыл теннисъя ӵошатскон ортчиз. Шудонэ гурт поселениысь спортэн эшъяськисьёс пыриськизы.
Ӝӧквыл теннисэн эшъяськисьёс спортзалэ люкаськизы
Школаын физкультурая урокъёсты нуисьлэн Г.Ю. Тимирбаевлэн кичӧлтэмезъя спортзалэ 20-лы матэ ӝӧквыл теннисэн шудыны яратӥсь пиосмуртъёс люкаськизы. Та нуналэ котькудӥз аслэсьтыз устолыксэ, быгатэмзэ но сэзьлыксэ возьматӥз.
Ӵошатсконлэн йылпумъянъёсызъя, 50 аресозь шудӥсьёс пӧлын Андриян Тимирбаев нырысетӥ интые потӥз, солэсь ӧжытлы бере кылиз Борис Насипуллин, куинетӥ интыен Валерий Хузяхметов пайдаяськиз.
50 ареслэсь бадӟымъёс пӧлын нырысетӥ интылы Вадим Камалитдинов кузё луиз. Нош Анатолий Апкаримов кыкетӥ интые потӥз, Наиль Абдуллин шудонын куинетӥ интылы шумпотӥз.
Спорт ужрадэ пыриськисьёс ӵошатсконэз ортчытыны коньдон ласянь юрттэмез понна Быдӟым Качак гуртысь Олег Тимиршинлы тау кылъёссэс верало.
