Дышетӥсьёс спорт фестивале пыриськизы

Отчы дышетон удысын тыршисьёс пыриськизы. Фестивале 13 команда вуиз: городысь куинь школаысь, гурт школаосысь укмыс команда но ёросысь дышетонъя ёзэтлэн командаез.

Соослы пӧртэм эскеронъёсты – «Подтягивание на перекладине», «Отжимание», «Укрепление мышц брюшного пресса» («Пресс»), «Гибкость тела (наклон вперед); «Бег на короткие (60 метров) и длинные (1000 метров) дистанции» - пыр потоно луиз.

«Визитка» конкурсын Сусады-Эбалак школалэн командаез вормисе потӥз. Кыкетӥ интыын луиз Шудек школалэн командаез, куинетӥын – дышетонъя ёзэтлэн. ГТО сётонын городысь но гуртысь школаос пӧлын вормисьёсты нимаз бырйизы. Гуртысь школаос пӧлын нырысетӥ интыез сусады-эбалакъёс но шудекъёс люкизы, кыкетӥ интыез – истякъёс но кисак-каинъёс. Куинетӥ интые потӥзы кармановоос.

Котькудаз конкурсын Шудекысь но Сусады-Эбалакысь школаосысь командаослэн кужымзы огвыллемгес адскиз. Фестивальлы йылпумъян лэсьтэм бере тодмо луиз: соос нырысетӥ интыез люкизы. Кыкетӥ инты сётэмын Истякысь но Кисак-Каинысь школаослэн командаоссылы, нош куинетӥ интылы шумпотӥзы Карманово школаысь дышетӥсьёс.

Фото: Управление образования Янаульского района