+28 °С
Салкым
Спорт
10 Октябрь 2025, 16:12
Нылъёс но пиос волейболэн шудӥзы
Татышлы ёросысь Выль Татышлы культура юртысь спортзалын волейболъя ӵошатскон ортчиз. Со Республикалэн нуналэзлы но Татышлы ёрослэн кылдэмез дырысен 90 ар тырмонлы сӥземын вал.
Нылъёс но пиос волейболэн шудӥзы
Ӵошатсконэ Аскино, Балтач, Татышлы ёросъёсысь 5-6-тӥ классъёсын дышетскись нылъёс, Балтач, Татышлы ёросъёсысь 6-7-тӥ классъёсысь пиос пыриськиськизы. Соосты пумитаса Татышлы ёросысь дышетонъя ёзэтэн кивалтӥсь Р. А. Бадертдинов вераськиз. Нылъёс пӧлын ӟырдыт нюръяськонын вормисе потӥз Татышлы ёросысь команда. Соосты ӵошатсконэ дасяз тренерзы А. Г. Зайноков. Кыкетӥ интые потӥзы Аскино ёросысь нылъёс, куинетӥе – Балтач ёросысь. Пиос пӧлын ӵошатсконын нырысетӥ интые потӥз Татышлы ёросысь команда (тренерез А. И. Сабанчин).
