+28 °С
Салкым
Спорт
2 Октябрь 2025, 17:34
Калтасыын Сазь улонлэн нуналэз улсын ӵошатскон ортчиз
Туннэ, кыкетӥ коньывуонэ, Сазь улонлэн нуналэз но «Трезвое село-2025» республика конкурслэн муниципал этапез улсын Калтасыын «Весёлые старты» спорт ужрад ортчиз. Ӵошатсконэ ёросысь 11 гурт поселениосысь командаос пыриськизы.
Калтасыын Сазь улонлэн нуналэз улсын ӵошатскон ортчиз
Ужрадэз усьтыса но люкаськем калыклы тазалык сӥзьыса Калтасы ёрос администрациен кивалтӥсь С.В. Цедилкин вераськиз. «Туннэ татчы ёросысьтымы тужгес но сэзь, кужмо но капчи мылкыдъем адямиос люкаськизы. Шумпотымон, та выллем ужрадэ егитъёс гинэ ӧвӧл, арлыдоос но трос вуэмын. Спорт адямилэсь тазалыксэ но кыдатэ, эшъяськыны но юрттэ. Соин туннэ мед вормоз эшъяськон!», - шуиз кивалтӥсь.
Спорт ужрад тодматсконэн кутскиз. Котькуд команда ас сярысьтыз вакчияк вераз. Берло ӵошатсконэ вуэмъёс спортлэн пӧртэм видъёсаз быгатэмзэс возьматӥзы.
Бадӟым Качак гуртысь команда но вожвылъяськонэ мылысь-кыдысь пыриськиз. Качакъёс вань эскеронъёсты учкымон ортчизы ке но, вормон кизили соос киын ӧз луы.
Тодады вайытӥськом, туэ Бадӟым Качак гуртын улӥсьёс «Трезвое село-2025» республика проектэ пырисько.
