Янаул ёросын туризмъя ӵошатскон ортчиз

Туэ отчы школаослэн вить командазы но куать семья пыриськиз. Зоро куазь но ӧз кышкаты соосты, трассаез ваньзы вормон сярысь сюлмаськыса ортчизы. Вормисьёсты арлыдъёссэс лыдэ басьтыса бырйизы: пичи категория (класс «С»), средней категория (класс «В»), бадӟым категория (класс «А»).

Котьку сямен, туэ но ӵошатсконэ Шудекысь школалэн командаез пыриськыны мылкыд кариз. Нылпиос усто быгатонлыкъёссэс возьматӥзы: «В» категориын соос вормисе потӥзы (кивалтӥсьсы В. Ф. Мухаметшин).

Нимысьтыз вормисьёс пӧлын но шудекъёс луизы. Кылсярысь, «В» категориын Кирилл Абрамов 1-тӥ интылы кузё луиз, Ярослав Мухаметшин – 2-тӥ интылы.

Фото: Управление образования Янаульского района