Волейболын но ӝӧквыл теннисын кужымзэс мертазы

Татышлы ёросысь Выль Татышлыын «Дуно марӟанъёс» фестиваль улсын пӧртэм ужрадъёс ортчизы. Гуртысь школалэн но культура юртлэн выльдэм спортзалъёсаз ӝӧквыл теннисъя но волейболъя ӵошатсконъёс луизы.

ДЮСШ-лэн ӝӧквыл теннисъя первенствояз нылъёс пӧлын вормисе потӥз Динара Аскарова. Кыкетӥ но куинетӥ интыосын луизы Валерия Маленьких но Элина Халитова. Пиос пӧлын кужмо луиз Камиль Лукманов, кыкетӥ интые потӥз Илья Васильев, куинетӥ интые – Аскольд Миллиятов.

Волейбол площадкаын Уразгильдыысь школалэн но Вылысь Татышлыысь Г. Сокорой нимо гимназиысь командаослэн эшъяськон матчсы ортчиз. Татын кужмо луизы уразгильдыос.

Фото: Детско-юношеская спортивная школа с.В.Татышлы

Автор:Миляуша Булатова

Читайте нас

Партнеры