Быдэсросси марафон трос калыкез огазея

Россиысь Гурт хозяйствоя министерстволэн ӵектэм федерал проектэз городъёслэсь палэнын улӥсь, спортэн, тазалыко улонэн  эшъяськись трос адямиосты огазея. Кылем арын марафонэ 200 сюрслэсь ятыр калык пыриськиз.

Кылем арняын Куеда ёросын марафонлэн муниципал этапез ортчиз. Бадӟым Гондырлэн командаез отын ӟеч лыдпусъёс возьматӥз, вормисьлэн кубокеныз бертӥз: спортсменъёс волейболын, скандинав амалэн вамышъянын, семейной эстафетаын, ГТО-лэсь нормативъёссэ сётонын (многоборье), гиря ӝутканын медальёслы кузё луизы.

Фото: Дом Спорта Большой Гондыр