Шахматъя турнир тунсыко пӧрмиз

Татысь школаын дышетскисьёс, дышетӥсьёс  пӧртэм конкурсъёсы пырисько, вормонъёс уто. Республика, федерал грантъёсын но соос кужымзэс эскеро. Кылем арын, кылсярысь,  Елена но Геннадий Тимченколэн благотворительной фондзылэн грантэзлы «Сильный ход» конкурсэ проект дасязы. Отчы Россилэн тямыс регионысьтыз 318 проект вуэмын вал. Ахметовоос вормисьёс пӧлын луизы. Утэм грантсы школае шахмат клуб усьтыны луонлык сётӥз. Со дырысен школаын шахмат турниръёс ӵем радъясько. Кылем арняын школаын «Белая ладья» турнир ортчиз. Отын ахметовоос, канлыос сяна, Уфаысь школаосын дышетскисьёс но кужымзэс мертазы. Турнир тунсыко пӧрмиз, кужмоосты шараяз, эшъяськон кусыпъёсты юнматӥз.

Фото: МБОУ СОШ с.Ахметово МР Кушнаренковский район