Куедаын волейбол ортчиз

Усьтэм первенствое Пермь шаерысь Барда, Елово, Куеда ёросъёсысь, Чернушкаысь, Янаул но Татышлы ёросъёсысь спортсменъёс вуизы. Татышлы ёрос понна шудӥз ДЮСШ-лэн командаез (Выль Татышлыысь школаын но Вылысь Татышлыысь Г. Сокорой нимо гимназиын дышетскись нылъёс). Котькуд команда зол кужымзэ возьматӥз. Вормон капчиен ӧз сётскы. Татышлыос ӵошатсконысь куинетӥ интыен бертӥзы. Ужрадэ нылъёсты тренерзы Альфид Зайноков дасяз.

Фото: Детско-юношеская спортивная школа с.В.Татышлы