Эмчиос Спартакиадаын кужымзэс мертазы

Нефтекамск город эмъюртысь, Дюртюли, Калтасы, Краснокама, Татышлы но Янаул ёрос эмъюртъёсысь эмчиослэн командаоссы Спартакиадае пыриськизы. Бадӟым спорт ужрад тӧдь халат нуллӥсьёсты Калтасые люказ.

Командаос куасэн бызьылыны, шахматэн, ӝӧквыл теннисэн, волейболэн шудыны, ыбылӥськыны, гиря нуллыны, дартс лэзяны быгатонлыкъёссэс возьматӥзы. Праздниклы пӧрмем спорт ужрадын эмчиос вань кужымзэс поныса вормон понна тыршизы. Вераны кулэ, Спартакиада туэ 13-тӥ ползэ радъяськиз.

Ӵошатскон ӟырдыт ортчиз. Котькуд команда аслэсьтыз устолыксэ паськыт возьматыны быгатӥз. Та нуналэ Вылысь Татышлыысь эмчиослэн командазы нырысетӥ интые потӥз, янаулъёс кыкетӥ интые кылизы, нош калтасыос куинетӥ интыен кузёяськизы.

Фото: газета «Калтасинская заря»

Эмчиос Спартакиадаын кужымзэс мертазы

Автор:Венера Ильбаева

Читайте нас:

Об использовании персональных данных

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

oshmes@mail.ru

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91