Пиосмуртъёс куасэн бызьылӥзы

Куасэн бызьылыны мылкыд карисьёслэн лыдзы ӧжыт ӧз луы. Ужрадэ Калтасы ёросысь, солы  матысь гуртъёсысь но городъёсысь 130 спортсменъёс люкаськизы. Куасэн бызьылӥсьёслэн арессы но пӧртэм вал. Кылсярысь, тужгес но пичиезлы, Улысь Качмашысь Степан Сатыбаевлы, ньыль арес гинэ тырмемын на. Озьы ке но, пияш куинь километрез капчиен вормиз. Нош Чилибеевоысь Владимир Валикаев тямыстон аресэз улля ини.

Шумпотымон, спорт ужрадэ удмуртъёс но пырисьизы. Бадӟым Качакысь Анатолий Апкаримов но Риф Нуриев асьсэлэн аресъёссы пӧлын учкымон луизы. Вераны кулэ, пиосмуртъёс ӵем гинэ та выллем  ӵошатсконъёсы вуо, вормисьёс пӧлын луо. Та нуналэ но Анатолий Апкаримовлы удалтӥз: со куинетӥ инты басьтӥз. Риф Нуриев солэсь ӧжытлы бере кылиз но ньылетӥ интылы кузё луиз.