Бадӟым Гондырын куасэн ӵошатскон ортчиз

Отчы Куедаысь, Бикбардаысь, Бадӟым Гондырысь но Вуж Шагиртысь куасчиос пыриськизы. Спорт ужрадэз усьтыса вераськиз валтӥсь судья Раиф Нуриев. Со ӵошатсконлэн ортчон радлыкеныз пыр-поч тодматӥз.

Спортсменъёс куас сюресэз капчиен ортчизы. Соослы кужым сётыса выллем инмын яркыт шунды мыняз.

Гуртъёслэн командаоссы пӧлын кужмо луизы бадӟым гондыръёс. Кыкетӥ интыын луизы куедаос, куинетӥын – бикбардаос. Нош предприятиос но организациос пӧлын вормисе потӥз тылпу кысӥсьёслэн командазы (ПСЧ-89). Кыкетӥ но куинетӥ интыосын луизы Куедаысь сӥль комбинатлэн но спорт школалэн командаоссы.

Фото: Центр развития культуры Куединский МО