Туннэ нунал спортлэн тол видъёсызлы сӥземын

Та нуналлэн валтӥсь ужпумъёсыз - тазалыко улонэн эшъяськон, адямиосты спортлэн тол видъёсыныз тунсыкъяськытон, нылпиосты спортлы дырзэс висъяны дышетон но мукет. Та нунал Россиысь Олимпи комитетлэн кичӧлтэмезъя 2015-тӥ арысен радъяське.

7-тӥ тулыспалэ трос ӵошатсконъёс, пӧртэм мастер-классъёс, тодмо спортсменъёсын пумиськонъёс ортчо. Отчы нылпиос но шумпотыса пырисько.

Спортлэн тол видъёсыз пӧлы пыро: куасэн ветлон, биатлон, бобслей, скелетон, конькиен нискылан, фигурной катание, шорт-трек, трамлинысен тэтчан, сноуборд, фристайл но трос мукетыз.