Нылпиос куас сюрес вылын кужымзэс мертазы

Ёросысь ДЮСШ-лэн первенствоез 45 куасчиосты огазеяз. Куас сюрес вылэ ӵошатскыны потӥзы Улысь Балтачысь, Кальтяевоысь но Вылысь Татышлыысь 2-тӥ номеро школаысь спортсменъёс.

Ӵошатскисьёслы куазен удалтӥз. Соослы вормон сӥзьыса выллем инмын шунды яркыт мыняз. Куасчиослэн мылкыдзы капчи вал. Стартэ котькиин вормон сярысь малпаськыса султӥз ке но, вормон кужмоос киын луиз.

Вормисьёсты арессэс лыдэ басьтыса бырйизы. Нырысетӥ группаын ваньзылэсь ӝог луизы К. Губаева но К.Шакиров, 2-тӥ группаын – Н. Сафарова но Я. Шаймарданов, 3-тӥ группаын – В. Фахтенюрова но К. Рафиков.

Фото: соцсети Радмир Губаев