Янаулын «Zа победу!» ӵошатскон ортчиз

Янаулын «Zа победу!» спортивно-патриотической ӵошатскон радъяськиз. Отчы школаосысь 11 команда пыриськиз. Ужрадэ лыктэмъёс азьын вераськизы БР-ысь Кун Собранилэн-Курултайлэн депутатэз Ильшат Вазигатов, Россилэн Героезлэн Игорь Насибуллинлэн анаез Роза Насибуллина, нимысьтыз военной операцие пыриськисьёс Эдуард хузин но Динар Хусаенов. Соос пиналъёслы вормонъёс сӥзизы.

Ӵошатсконэ лыктэм командаос вуын уянын, волейболын, шахматын, спортивной нюръяськонын, футболын, полиатлонын, баскетболын, куас сюресын, ыбылӥськонын, ӝуткаськонын, нырысетӥ эмъюрттэт возьматонын но спортлэн мукет видъёсаз быгатонлыкъёссэс возьматӥзы. Ужрад кинотеатрын йылпумъяськиз. Пиналъёс «Ротный Насибуллин» документальной кино учкизы. Со удмурт Геройлы Игорь Насибуллинлы, солэн подвигезлы сӥземын.

Фото: ОТДЕЛ МОЛОДЕЖИ И СПОРТА ЯНАУЛЬСКОГО РАЙОНА РБ