Удмурт спортсменлэн выль вормонэз

Солы тужгес матын луизы капчи атлетика но куасэн бызьылон. Дышетсконзэ йылпумъяса, удмурт пияш улон сюрессэ быдэсак спортэн герӟаз, шуыны луоз: Казаньысь олимпийской резервъя училищее дышетскыны пыриз.

Туннэ Родион пӧртэм ӵошатсконъёсы пыриське, вормонъёс басьтэ. Алигес Казаньын ортчем Россиысь сӥё-дано тренерез Ю. М. Красильниковез буре ваён быдэсросси ӵошатсконъёсын кужымзэ эскериз. Куинь иськеме бызьыса, Р. Раянов (туспуктэм вылын шорысез) 1-тӥ интылы кузё луиз: дистанциез 8 минут но 35 секунд куспын ортчыса, со выль рекорд возьматӥз. Нош 1500 метре бызьылонын со финише кыкетӥ пыриз.

Фото: Казанское училище олимпийского резерва