Семьяос кужымзэс эстафетаын мертазы

Ужрадэ Аграфена но Рафис Минигалиевъёслэн, Ирина но Георгий Набиуллинъёслэн, Августа но Эдуард Шаритдиновъёслэн семьяоссы пыриськизы. Эстафетаез гуртысьтызы библиотекарь М.Е. Хисамутдинова нуиз. Нош семьяослэсь быгатонлыкъёссэс Э.Г. Шараева но Д.К. Гайфуллина дунъязы.

Семьяос нырысь ик «Визитная карточка» конкурсэз ортчизы, командазылы ним но девиз малпазы. Со сяна, туннэ нуналэ соос «Перекати обруч», «Боулинг», «Попади в цель», «Переправа», «Мой воздушный шар» но мукет шудонъёсын кужымзэс мертазы.

Ирина но Георгий Набиуллинъёслэн семьязы эстафеталэн вормисьёсыз луизы. Нош Августа но Эдуард Шаритдиновъёслэн но Аграфена но Рафис Минигалиевъёслэн семьяоссы кыкетӥ но куинетӥ интыосты люкизы.

Фото: Староваряшская сельская модельная библиотека