Чебер шудон возьматӥзы

Ӝыт ке ву, гуртысь клубын,школаын тылъёс ӝуатско. Егитъёс но, арлыдоос но отчы вакытсэс пайдаен ортчытыны дырто. Кылсярысь, та нуналъёсы гуртысьтызы школалэн спортзалаз кышномуртъёс волейболэн шудӥзы. Татысь физкультурая дышетӥсьлэн Г.Ю. Тимирбаевлэн кичӧлтэмезъя, дышетон удысын ужасьёслэн но гуртысь кышномуртъёслэн командазы волейбол тупен умой вырыны быгатэмзэс возьматӥзы. Ужрад ӟырдыт ӵошатсконлы пӧрмиз. Командаос счетысь котькуд лыдпус понна нюръяськизы. Соин та ӝытэ эшъяськон ӧз вормы: гуртысь кышномуртъёслэн командазы, чебер шудон возьматыса, вормисе потӥз.