Спорт тазалыкез кыдатэ

Республикалэн тӧроезлэн Радий Хабировлэн ӵектэмезъя, регионын гуртысь тренеръёс понна нимысьтыз программа ужа. Та программа Россиын нырысетӥез луэ. Азьланяз соин городъёсысь тренеръёс но пайдаяськыны быгатозы. Программа улсын тренеръёслы коньдон юрттэт возьматӥське.

- Асьмелэн валтӥсь ужпуммы – спортэ но физкультурае тросгес адямиосты ваён, – вера Радий Хабиров. – Соин спорт ӵошатсконъёслы сяна, мукет спорт ужрадъёсты дасяны, радъяы но юрттэт возьматӥськом. Арлы быдэ республикаын 15 сюрслэсь ятыр физкультурно-спортивной ужрадъёс ортчо: спартакиадаос, фестивальёс, универсиадаос, знаменательной нуналъёслы сӥзем праздникъёс – «Декада спорта», «День зимних видов спорта», «Лыжня Росси», «День физкультурника», «Олимпийский день», «Кросс нации». Отчы 800 сюрслэсь трос адями пыриське.

Школаосын но спорт ужрадъёс ӵем луо. Татышлы ёросысь Калмияр гуртысь школа бордын ужась «Радуга» шутэтскон лагерьлэн но одӥг нуналэз нылпиослэсь тазалыксэс кыдатонлы сӥземын вал. Со Олимпи шудонъёслы сӥземын луиз. Нылъёс но пиос спортлэн пӧртэм видъёсаз кужымзэс мертазы. Ӝӧквыл шудонъёсын шудэмзы сяна, чылкыт омырын бызьылыса шудӥзы, ӵошатскизы.

Фото: МБОУ СОШ с. Новые Татышлы МР Татышлинский район