Героез буре вайыса ӵошатскизы

Россилэсь Геройзэ Игорь Насибуллинэз буре ваён усьтэм ёрос первенство кыкетӥ ползэ радъяськиз. Туэ отчы капчи атлетикаен эшъяськись 60-лэсь трос адями пыриськиз.

Ужрадэ дано улосчимылэн анай-атаез Роза Хабибзяновнаен Леонид Гыльмиярович но пыриськизы. Ужрадэз усьтыса, соос факел ӝуатӥзы. Роза Хабибзяновна ӵошатсконэ но пыриськиз. Трассаез со капчиен ортчиз. Финише кыкетӥ пыриз.

Кроссын Геройлэн дышетскем школаысьтыз пиналъёс но зол кужымзэс возьматӥзы – вуж варашъёс вормисьёс пӧлын луизы. Кылсярысь, Ярослав Асатов но Дмитрий Назьмиез кроссысь нырысетӥ интыен бертӥзы. Вормисьёсты но призёръёсты грамотаосын, медальёсын но кузьымъёсын пусйизы.

Ӵошатскон «Орлёнок» лагерь вӧзысь Рафик Низамутдинов нимо трассын ортчиз. Гужемлэн одӥг нуналэз ӵошатскисьёслы асьсэ кужымзэс эскерыны луонлык сётӥз, тзалыко улонэн эшъяськытӥз.

Фото: МБОУ СОШ с. Старый Варяш