Ӵошатсконысь вормонэн берытскизы

Бадӟым Качакысь пиослэн волейболъя командазы трос аръёс ӵоже вормисьёс пӧлысь уг усьы. Тренерзылэн Г.Ю. Тимирбаевлэн но пиослэн  тыршеменызы школазылэн спорт удысын данэз арысь аре юнма. Тани али но ёрос  ӵошатсконъёсын вормыса, качакъёслэн командазы Аскиноын ортчись волейболъя зональной ӵошатсконъёсы пыриськиз. Спортэз яратӥсь пиослы татын республикаысьтымы дас кык ёросъёсысь но ньыль городъёсысь командаосын кужымзэс мертано луиз. Ӟырдыт шудонын Бадӟым Качакысь команда кыкетӥ интые потӥз.