Ёросысь чемпионъёсты буре вайыса шахматэн шудӥзы

Вераны кулэ, та ужрад арлы быдэ радъяське. Улысь Балтач гурт поселенилэн администрациеныз кивалтӥсь Эдуард Рахимзянов вк вотэс бамаз турнир пумысен гожтэ: «Турнире тямыс команда пыриськиз. Жаляса верано, таяз ӵошатсконын усто шахматистъёс Сергей Сафиуллинэн Дамир Ахметов ӧз луэ ни, улонысь кошкеменызы сэрен. Турнирын вормисе потӥз «Кальтяево команда» (Вильдан Ибрагимов но Ильнур Сарвартдинов), кыкетӥ интыын - «Школа» команда (Антон Сафиуллин но Елена Шафеева), куинетӥын – «Ташкент» команда (Фангат но Фидан Кашаповъёс). Личной зачётын вормиз Е. Шафеева, 2-тӥ но 3-тӥ интыосын – В. Ибрагимов но И. Сарвартдинов. Бадӟым тау турнирез радъясьёслы но ӵошатсконэ пыриськисьёслы!».

Фото: МБОУ СОШ с. Нижнебалтачево