Ӝӧквыл теннисъя ӵошатскон йылпумъяськиз

25-тӥ мартэ Башкортостанысь национально-культурной центрлэн Кенешезлэн ёзчиезлэн Р. Г. Рахимовлэн кубокез понна пиналъёс шудӥзы. Нош 28-тӥ мартэ отчы республикаысьтымы Аскино, Бурай, Бирск, Янаул, Калтасы но Татышлы ёросъёсысь, Пермь шаерысь Куеда ёросысь нылкышноос но пиосмуртъёс люкаськизы. Шудонэ огъя 48 адями пыриськиз. Соос ваньзы зол кужымзэс но тазалыко улонэн эшъяськемзэс возьматӥзы. Ӵошатсконын вормисьёс кубокъёсын, медальёсын, дипломъёсын но кузьымъёсын данъямын. Со сярысь газетмылэн вуоно номерысьтыз пыр-почгес лыдӟыны быгатоды. Ӵошатскон туэ Семьялэн арезлы сӥземын вал.