Ӝӧквыл теннисэз яратӥсьёс ӵошатскизы

Отчы ёросысь 58 дышетскисьёс пыриськизы. Соосты куинь группалы люкизы: 1-5-тӥ классъёсын дышетскисьёс, 6-8-тӥ классъёсын дышетскисьёс, 9-11-тӥ классъёсын дышетскисьёс.

Нырысетӥ группаысь нылъёс пӧлын Выль Татышлы школаысь Дарья Зиядуллина вормисе потӥз. Кыкетӥ но куинетӥ  интыосын – Бадряшысь Чулпан Рахимова но Энже Муллаянова.

Пиос пӧлын Выль Татышлыысь Павел Хасаняновлы вуисьёс ӧз луэ, кыкетӥ интыын – Уразгильдыысь Илья Васильев, куинетӥын – Вылысь Татышлыысь Аскольд Миллиятов.

Кыкетӥ группаын Выль Татышлыысь Яна Хасанянова вормисе потӥз . Кыкетӥ интыын отысь ик Ксения Нуриахметова, куинетӥын – Улысь Балтачысь Ева Гильмаутдинова.  

Пиос пӧлын Вылысь Татышлыысь Искандер Шарафутдинов вормиз . Кыкетӥ интыын - Улысь Балтачысь Алексей Адуллин, куинетӥын – Вылысь Татышлыысь Камиль Лукманов.  

Куинетӥ группаысь нылъёс пӧлын нырысетӥ но кыкетӥ  интыослы шумпотӥзы Бадряшысь Наиля Мухаметшина но Лилия Мулламухаметова, куинетӥлы – Улысь Балтачысь Маргарита Шардинова.

Пиос пӧлын Улысь Балтачысь Валерий Губаев вормиз. Кыкетӥ но куинетӥ интыосын Арибашысь Данил Гатиятов но Артём Зидымышев.

Ӵошатсконын тужгес пичиосыз шудӥсьёс луизы Выль Татышлыысь Дарья Зиядуллина но Бадряшысь Раян Балагутдинов.