Выль Татышлы школаысь пиос волейболъя ӵошатсконэ ветлӥзы

Отчы республикаысь тямыс кужмо командаос пыриськизы.Соос пӧлын луизы Татышлы ёросысь Выль Татышлы школаын дышетскись пиналъёс но.

Ӵошатсконын Бакалы ёросысь пиослы вуисьёс ӧз луэ. Соос – нырысетӥ интыын. Нош кыкетӥ но куинетӥ интыос понна Буздяк но Кармаскалы ёросъёсысь пиос шумпотӥзы. Нош Выль Татышлыысь командалы туэ ньылетӥ интыен буйгатсконо луиз. Татысь командаез ӵошатсконэ физкультурая дышетӥсьсы А. С. Мардамшин но тренерзы А. И. Сабанчин дасязы. «Ньылетӥ инты -  со куректон ӧвӧл, - вера Александр Иванович. – Со вуоноын вормисьёс пӧлын луонлы оскон».

Туспуктэм: Кармаскалы Спорт