Куас сюресэз ӝог ортчизы

Совето Союзысь Героез Ф. С. Кокоринэз буре ваён ужрад арлы быдэ трос спортсменъёсты огазея. Бадӟым Кусты гуртэ куасэн бызьылыны туэ Бадӟым Гондырысь шор ёзо школаысь трос пиналъёс вуизы. «Ӵошатсконэз радъясьёс куасчиосты туж шуныт пумитазы. Куазен но удалтӥз. Пиналъёс куас сюресын усто быгатонлыксэс возьматӥзы. Пьедесталлэн вылӥ тубатаз луизы Галинурова Злата, Шарибзянов Егор, Галинуров Ролан, Ракимова Арина, Галиахматов Никита, Габдулин Равиль, Шарапова Дарья. Ӵошатсконысь кыкетӥ интыен бертӥзы Салоков Михаил, Менгалиев Глеб. Мукетъёс но куас сюресэз усто ортчизы», - гожтэ вотэс бамаз дышетӥсьсы Александр Нигамедзянов.

Фото: Александр Нигамедзянов