Вязовкаын куасэн ӵошатскон ортчиз

Гуртысь культура юртын ужасьёс соос понна куасэн ӵошатскон радъязы. Отчы 40-лы матэ адями пыриськиз. Нырысь ик куас сюрес вылэ султӥзы пичиос – тямыс аресозь нылпиос. Соос пӧлын финише ваньзылэсь ӝог пыриз Иван Хаспутдинов. Собере ӵошатскизы 12 аресозь куасчиос. Татын ваньзылэсь кужмо луиз Тимур Рахимов. Нош бадӟым классъёсын дышетскисьёс пӧлын нырысетӥ интыын луиз Матвей Марданов.

Школаын дышетскисьёс бере куас сюрес вылэ султӥзы бадӟымъёс. Нылкышноос пӧлын финише нырысетӥ пыриз Илюся Миннуллина, нош пиосмуртъёс пӧлын – Валерий Муратшин. «Ӵошатскон огшокчемскын выллем ортчиз. Со котькинлы капчи мылкыд кузьмаз, - вера Вязовкаысь культура юртэн кивалтӥсь Фанил Нуриахметов. – Вормисьёс но призёръёс грамотаосын но кузьымъёсын пусъемын. Бадӟым тау гуртысь ужбергатӥсьлы Динар Биктимировлы спонсор юрттэт возьматэмез понна».

Фото: СДК с.Вязовка