Дас команда нюръяськиз

Со нимысьтыз военной операциын бырыны шедем улосчимес Фанис Хусаиновез буре вайыса радъяськиз. Военно-спортивной шудонъёсы ёросысь дас командаос вуизы. Соос могӟетъёсын укмыс этапъёсты ортчизы: лабиринт, «бабочка», пневматической винтовкаен ыбылӥськон, «паутина», веттаськись кор, сюбег интытӥ ортчон, граната лэзян, «рукоход», эмъюрттэт возьматон.

Ӵошатсконын тужгес кужмо луиз Выль Татышлыысь школалэн командаез. Со нырысетӥ интые потӥз. Кыкетӥ интыын луизы шулганъёс, куинетӥын – Вылысь Татышлыысь кыкетӥ номеро школалэн командаез.

Фото: МБОУ СОШ с. Новые Татышлы МР Татышлинский район