Сандугач школаын куасэн ӵошатскон ортчиз

Сое радъяны «АгроМ» ООО-лэн директорез Р. Р. Шарафутдинов, гурт поселенилэн администрациеныз кивалтӥсь Т. Ш. Куснияров но школалэн администрациез юрттӥзы. Ужрадэ Башкортостанысь удмуртъёслэн НКЦ-зылэн Янаул ёросысь филиалэныз кивалтӥсь Ю. С. Саитов но пыриськиз.Ӵошатскон шутэтскон нуналэ ке но тупаз, отчы пыриськыны мылкыд карисьёс трос луизы. Куас сюрес вылын вормисьёс медальёсын но грамотаосын данъямын. Ӵошатсконэ пыриськисьёсты пӧсь табанен но чайен куноязы.